Suno Ay Chaand Say Saathi

Suno Ay Chaand Say Saathi 

Abhi Tum Keh Rahay Thay Na

Tumhay Mujh Say Mohabbat Ho Nahi Sakti
Chalo Mana Keh Ye Sach Hay 
Mager Ay Chaand Say Saathi Mujhay Itna Batao Tum 

Keh Jab Mousam Badaltay Hain 
Gulon Main Rang Bhartay Hain 
Tu Phir Kyun Muztarib Ho Kar
Akelay Pan Say Ghabra Kar
Hawa Ko RAAZ Detay Ho
Mujhay AAWAZ Detay Ho
Suno Ay Chaand Say Saathi
Tumharay Samnay Koii Mera Jab Naam Laita Hay 
Tu Phir Kyun Chonk Jatay Ho
Chalo Maana Tumhay Mujh Say Mohabbat Ho Nahi Sakti
Mager Itna Samaj Lo Tum
Jaha Chahat Nahi Hoti
Waha Nafrat Kay Honay Ka Koii Imkaan Nahi Hota
Mera Daawa Hay
Chahat Main Jahan Nafrat Nahi Hoti
Ager Kuch Waqt Kat Jaye
Samay Ki Dhool Chatt Jaye
Tu Wehshat Bhaag Jati Hay
Mohabbat Jaag Jati Hay !!!