01 June 2012

Kabhee jo man ke aangan main

Kabhee jo man ke aangan main
 Koi ik ashk tanha sa
 Dehektay say dukhon par
 chan se girta hai
 ghubaar uthtaa hai
 kuch aise
 ke jaise
 raigzaaron par
 woh pehlee boondh baarish ke
 baras ke aik pal main
 pyas se behaal dhartee par
 ussay sairaab karnay kee jagah
 phir se dhuan ban kar
 sunehree badliyoun main
 jaa ke chup jaaey
 woh phir ik baar
 mitnay ke liye
 tayyar ho jaaey

0 comments:

Post a Comment

Related Posts Plugin for WordPress, Blogger...