20 July 2012

Koi shikwa gila nahi mojood

Koi shikwa gila nahi mojood
Lab pe harf-e-dua nahi mojood

Umer guzri hai bin tere jaise
Zindagi mein khula nahi mojood

Dil mein iss ki shabih roshan hai
Dairy mein pata nehi mojood

Log aise bhi ghar mein rahte hain
Jis mein taza hawa nahi mojood

Yon hi dewaro-dar ko takte ho
Dil ka aainah kia nahi mojood

Zikar hota hai sari dunya mein
aman ki fakhta nahi mojood

ism sare amaan azbar hain
ghar mein rad-e-bala nahi mojood

0 comments:

Post a Comment

Related Posts Plugin for WordPress, Blogger...