Zindagi paon chal rahi ho gi

Zindagi paon chal rahi ho gi
Meri dunya badal rahi ho gi

Hum andheron mein khush guman rahe
Roshni chaal chal rahi hogi

Chaand ab badalon ki ot mein hai
raat pahlo badal rahi hogi

Jhankta hai koii dariche se
Chaandni hath mal rahi ho gi

Mere bachpan ki mom ki gurya
Lamha lamha pighal rahi ho gi

Aise jazbon ko nam kia do ge
Tasangi jin mein pal rahi ho gi

Dushmani jab hadon se thahri hai
Moj khud mein machal rahi hogi