Skip to main content

guzre dinon ki yaad barasti ghata lage

guzre dinon ki yaad barasti ghata lage
guzroon jo uski gali se to thandi hawa lage

mehmaan banke aaye agar kisi roz wo shakhs
is roz bin sajaaye mera ghar sajaa lage

main isliye manaata nahin wasl ki khushi
mere raqeeb ki na mujhe bad-dua lage

wo qehat dosti ka para hai ke in dinon
jo muskura ke baat kare aashna lage

tark-e-wafa ke baad yeh uski ada qateel
mujhko sataaye koi to usko bura lage

Comments

Popular posts from this blog

To my dear mother