31 January 2013

Mohabbat Dil Ka Sajda Hai Jo Hai Toheed Par Qaim

Mohabbat Dil Ka Sajda Hai Jo Hai Toheed Par Qaim . . . .

Nazar K Shirk Walon Se , Mohabbat Rooth Jati Hai . . . .

In Faslon Ki Fikar Mein Q Karon Bhala

In Faslon Ki Fikar Mein Q Karon Bhala
Bhoot Door Reh Kar Bhi Mere Pass Hai Koi

In Soch Mein Dooba Hai Bhot Dair Se Mera Dil
Kya Us K Dil Me Bhi Aisa Ehsas Hai Koi

Uski Nazron Se Hai Bana Meri Sanson Ka Tasalsul
Is Tarha Meri Zindagi Ki Aas Hai Koi

Us Ka Jo Pocha Hai To Bus Itna Jan Lo
Bhoot Khaas, Bhoot Khaas, Bhoot Khaas Hai Koi

Bad-E-Saba Ja Rahi Ho To Ye Bhi Usey Khena
Us'k Bina Is Sher Main Bhoot Udaas Hai Koi 

30 January 2013

Kal Unki Mahfil Mein, Zikar Mera Aaya To

"Kal Unki Mahfil Mein, Zikar Mera Aaya To 

Us Ne Has Kar Farmaya.. 

Haan Haan Yaad Mujhe Bhi Aata Hai, 

Kya Naam Tha Us Deewane Ka?

Tm Bohat Saal Reh Liye Apne

Tm Bohat Saal Reh Liye Apne... 

Ab Mere Sirf Mere Ho K Raho... 

Youn bi Aati hai teri yad ki khushbo Dil mein

Youn bi Aati hai teri yad ki khushbo Dil mein. , 

Door sehra mein koi phooL Kila ho jehsy

Hm Ny Har Dukh Ko Mohbbat Ki Inayat Samjha

Hm Ny Har Dukh Ko Mohbbat Ki Inayat Samjha, 

Hm Koi Tm They Jo Oron Sy Shikayat Krte....!!

26 January 2013

Talism-e-Ishq tha sub,Us k sath Hony tak

Talism-e-Ishq tha sub, Us k sath
Hony tak.
Khayal-e-Dard Na aaya Nijaat
Honay Tak -

Mila tha Hijar k Rastay mein subha
ki Manind
Bichar gaya tha musafir se raat
Hony Tak -

Ajeeb Rang Badalti Hy us ki Nagri
Bhi.
Har ek Nehr ko Dekha Faraat Hony
Tak -

Wo Iss kamaal se khela tha Ishq ki
Baazi
Main Apni Jeet samajhta tha maat
Honay Tak

Me usko Bhoolna chahu to kiya
Karon -
Wo mujh me zinda Hy khud meri
zaat Hony Tak..!!

Muhabbat khud batati hai

Muhabbat khud batati hai
Kahan kis ka thikana Hai
Kisay aankhon main Rakhna hai
Kisay dil main basana Hai
Reha karma hai kisko Aur
Kisay zanjeer karna Hai
Mitana hai kisay dil Say
Kisay tehreer karna Hai
Issay malom hota Hai
Safar dushwar kitna Hai
Kisi ki chasm-e-girya Main
Chupa iqrar kitna Hai
Shajar jo girnay wala Hai
Wo saya daar kitna Hai
Mohabbat khud batati Hai
Kahan kis ka thikana Hai..!!

Shab_e_Tanhai Me Yadain Teri Yun Jagmagati Hain

Shab_e_Tanhai Me Yadain Teri Yun Jagmagati Hain,

Hatheli Per Meri Rakha Ho Ik Roshan Diya Jese

Ab Kisi Or Ko Chaahoon,To Shikayat kesi

Ab Kisi Or Ko Chaahoon,To Shikayat kesi 

Tum To Bichharay Ho,, "MOHABBAT MERI AADAT" kr K. .

25 January 2013

Kuch To Ehsaas-e-Ziyaan Tha Pehle

Kuch To Ehsaas-e-Ziyaan Tha Pehle
Dil Ka Yeh Haal kahaan Tha Pehle,

Ab To Manzil Bhi Hai Khud Garm-e-Safar
Har Qadam Sang-e-Nishaan Tha Pehle,

Safar-e-Shaoq K Far_Sang Na Pooch
Waqt Beqaid-e-Makaan Tha Pehle,

Yeh Alag Baat K Gham Raas Hai Ab
Is Mein Andeshaa-e-Jaan Tha Pehle,

Yoon Na Ghabraaye Howe Pherte The
Dil Ajab kunj-e-Aamaan Tha Pehle,

Ab Bhi Tu Paas Nahi Hai Lekin
Is Qadar Door kahaan Tha Pehle,

Dere Daale Hain Bagolon Ne Jahaan
Us Taraf Chashm-e-Rawaan Tha Pehle,

Ab Woh Dariyaa Na Basti Na Woh Log
kiya Khabar kon kahaan Tha Pehle,

Har Kharaba Yeh Sadaa Detaa Hai
Main Bhi Aabaad Makaan Tha Pehle,

kiya Se kiyaa Ho Gai Duniyaa Piyaare
Tu Waheen Par Hai Jahaan Tha Pehle,

Hum Ne Abaad kiyaa Mulk-e-SuKhan
kaisa SunSaan Samaan Tha Pehle,

Hum Ne BaKhshi Hai Khamoshi ko Zubaan
Dard Majboor-e-Fughaan Tha Pehle,

Hum Ne Roshan kiyaa Maamoor-e-Gham
Warnaa Har Simt Dhuwaan Tha Pehle,

Gham Ne Pher Dil ko Jagaayaa Nasir
Khaanaa-Barbaad kahaan Tha Pehle.

Garmi-E-Hasrat-E-Nakaam Say Jal Jatay Hain

Garmi-E-Hasrat-E-Nakaam Say Jal Jatay Hain
Hum Charaaghon Ki Tarha Shaam Say Jal Jaatey Hain,

Bach Nikaltey Hain Agar Aatish-e-Sayyad Say Hum
Sholaa-e-Aatish-e-Gulfaam Say Jal Jaatey Hain,

Khud_Numaai To Nahi Shewa-e-Arbaab-e-Wafa
Jin Ko Jalna Ho Wo Aaraam Say Jal Jaatey Hain,

Shamma Jis Aag Mein Jalti Hai Numaish Kay Liye
Hum Usi Aag Mein Gum_Naam Say Jal Jaatey Hain,

Jab Bhi Aata Hai Tera Naam Meray Naam Kay Saath
Jaaney Kiyon Log Meray Naam Say Jal Jaatey Hain,

Rabt-e-Baaham Pay Humein Kiya Na Kahein Gay Dushman
Aashnaa Jab Teray Paighaam Say Jal Jaatey Hain.

Maar Hi Daal Mujhe Chasm-E-Adaa Sey Pehlay

Maar Hi Daal Mujhe Chasm-E-Adaa Sey Pehlay
Apni Manzil Ko Pohunch Jaon Qaza Sey Pehlay,

Ik Nazar Dekh Loon Aa Jaao Qaza Se Pehlay
Tum Sey Milney Ki Tamanna Hai Khuda Sey Pehlay,

Hashr K Roz Main Poochoon Ga Khuda Sey Pehlay
Tu Ney Roka Nahi Kiyun Mujh Ko Khata Sey Pehlay,

Ay Meri Mout Thahar Un Ko Zara Aaney Dey
Zahar Ka Jaam Na Dey Mujh Ko Dawa Sey Pehley,

Haath Pohnchey Bhi Na Thay Zulf Dota Tak "Momin"
Hathkarri Daal Di Zaalim Ney Khata Sey Pehlay.

24 January 2013

Kiya andheron k dukh,kiya ujaalon k dukh

Kiya andheron k dukh,kiya ujaalon k dukh

Jab hara dain muqaddar ki chaalon k dukh

Jin ki aankhein nahin woh na royein kabhi

Jaan jaayein agar aankh waalon k dukh

Meri manzil kahan,humsafar hai kidhar

 Maar daalain gay ab in sawaalon k dukh

Tum milay ho tumhari muhabbat nahin

 Hijr se barrh gaye hain wisaalon k dukh

Dau ghharri k liye paas baitho agar

Bhool jaayein hum kitnay saalon k dukh

Meri sochon k jaltay huay dasht se

Chheen lay aa k apnay khayyaalon k dukh

Zamanay ka Sahara to Bazahir ik dikhawa hai

Zamanay ka Sahara to Bazahir ik dikhawa hai!!

Haqeeqat mein Mujhey Mera "KHUDA" girnay nhi deta

23 January 2013

Ye Ab Khula Hai K Koi Bhi Manzar Mera Na Tha

Ye Ab Khula Hai K Koi Bhi Manzar Mera Na Tha
Main Jis Mein Rah Raha Tha Wahi Ghar Mera Na Tha

Main Jis Ko Ek Umr Sambhale Phira Kiya
Mitti Bata Rahi Wo Paikar Mera Na Tha

Mauj-E-Hawa-E-Shahar-E-Muqaddar Jawab De
Dariya Mere Na The K Samandar Mera Na Tha

Phir Bhi To Sangsar Kiya Ja Raha Hun Main
Kahte Hain Nam Tak Sar-E-Mahzar Mera Na Tha

Sab Log Apne Apne Qabilon K Sath The
Ek Main Hi Tha K Koi Bhi Lashkar Mera Na Tha...

Ehsaas ki qandeel sey roshan ho jis ka dil

Ehsaas ki qandeel sey roshan ho jis ka dil
Uss ko kabhi jugnu ki zaroorat nhi parti

Jatay thay mere haq mein sab hi faislay magar

Jatay thay mere haq mein sab hi faislay magar,

munsif ne bhi har baar diya saath ussi ka,

Ek wo hai k yun Tor diye rishtay sabhi hum se,

Ek DIL hai ke rehta hy phr bhi tarafdaar ussi ka .

20 January 2013

chandni raat k hathon pay sawar utri hai

chandni raat k hathon pay sawar utri hai
koi khushboo meri delhiz k paar utri hai
@};-
is main kuch rang bhi hain khuwab bhi mehkar bhi hai
jhilmilati hui khawish bhi inkaar bhi hai
@};-
isi khushboo main kayi dard bhi afsanay bhi
isi khushboo nay banaye kayi dewanay bhi
@};-
meray anchal pay umeedon ki qitar utri hai
koi khushboo meri delhiz k paar utri hai
@};-
isi khushboo say kisi yaad k der khultay hain
meray pairon say jo liptay to safar khultay hain
@};-
yahi khushboo jo mujhey ghar say utha layi thi
ab kisi tor palat ker nahi janay deti
@};-
meri delhiz bulati hai mujhey loot aao
yahi khushboo mujhey wapis nahi aanay deti
@};-
ranj or dard main doobi bahar utri hai
koi khushboo meri delhiz k paar utri hai

Ye Barishain bhi tum si hain

Ye Barishain bhi tum si hain,
Jo baras gai to bahar hai,
Jo tehar gayee tu qarar hai,
Kabhi aa gai yunhi besabab,
Kaabhi cha gai yunhi roz-o-shab,
Kabhi shor hai, Kabhi chup si hain,
Ye barishain b tum si hain,
kabhi boond boond ma gum si hay,
Ye barishain b tum si hain

suno achha nahin lagta

suno achha nahin lagta
karay jab tazkira koi
karay jab tabsira koi
tumhari zaat ko khojay
tumhari baat ko sochay
mujhay achha nahin lagta

suno achha nahin lagta
tumhari muskurahat per
hazaron log martay hon
tumhari aik aahat per
hazaron dil dharaktay hon
kisi ka tum pe youn marna
mujhay achha nahin lagta

suno achha nahin lagta
hawa guzray tumhain chhoo ker
na ho ga zabt yeh mujh se
karay gustaakhian tum se
mujhay achha nahin lagta

suno achha nahin lagta
k tum ko phool bhi daikhain
tumharay paas woh mehkain
ya chanda ki guzarish ho
k apni roshni bakhshoon
rukh-e-janan koi daikhay
mujahy achha nahin lagta
mujahy achha nahin lagta

Oonchay Oonchay Namoon Ki Takhtiyaan Gira dena

Oonchay Oonchay Namoon Ki Takhtiyaan Gira dena
Zulm Kerney Walon Ki Wardiyaan Jala dena

Dar Badar Bhatakna kiya Daftaron k Jungle mein
Beelchay Utha lena Digriyan Jala dena

Maut se Jo Darr Jao Zandagi nahin milti
Jung Jeetna chaho Kashtiyaan Jala dena

Phir Bahu Jalaney ka Haq Tumhain Puhunchta hai
Pehlay Apney Aangan ki Baitiyaan Jala dena

Yoheen besabab na pehra karo koi shaam ghar bhi raha karo

Yoheen besabab na pehra karo koi shaam ghar bhi raha karo
woh GHAZAL ke suche ketaab hai use chupkay cupkay pahra karo

koi hath bhi na milAyay ga jo galay milo gay tapak se
yeh nayay mezaaj ka sahar hai zara faslay se mila karo

abhi rah mein kae mor hain koi ayay ga koi jayay ga
tumhein jis kese ne bohla diya use bohlanay ko duaa karo

mujhe ishtehAr se lagte hai yeh mohabbaton ke kahanian
jo kaha nahi woh suna karo jo suna nahi woh kaha karo

khabhi husan parda nasee bhi ho zara ashiqana lebaas mein
mein jo ban sanwar ke kahien chalo meray sath tum bhi chala karo

nahi bayhajaab woh chand sa ke nazar ka koi asar na ho
isay itne garme-e-shooq se bare deer tak nahi taka karo

Bay nigah aaNkhoun say

Bay nigah aaNkhoun say
dekhtay haiN parchay ko

bay khiyaal haathouN say
un-bannay say lafzouN par
ungliyaaN ghummaatay haiN
yaa sawaal naamay ko
dekhtay hee jaatay haiN!

hur taraf kan-ankhiyouN say
bucch buccha kay taktay haiN
doosrouN kay purchouN ko
rehnumma samajhtay haiN

shaayad iss tarah koie,
raasta hee mil jaaey!
bay nishaaN jawaabouN kaa
kuch pata hee chull jaey!

mujh ko dekhtay haiN tau
youn jawaab copy par,
haashiyeh lagatay haiN
daaeray banaatay haiN
jaisay unn ko purchay kay
subb jawaab aatay haiN

iss tarah kay manzar maiN
Imtehaan gaahouN maiN,
dekhtaa hee rehtaa hooN
naqal karnay waalouN kay
nit naaey tareeqouN say
Aap lutf laita thaa,
dostouN say kehtaa thaa
kiss tarah say jaanay yeh
Aaj dil kay aangan maiN
ik khiyaal aayaa hay
sekRouN sawaalouN saa
ik sawaal laayaa hay

Waqt kee adaalat maiN
zindagi kee soorat maiN
yeh jo teray haathouN maiN,
aik sawaalnaama hay
kiss nay yeh banaayaa hay?
Kiss liyeh banaayaa hay?
kuch samajh maiN aayaa hay?

zindagi kay purcchay kay
subb sawaal laazim haiN,
subb sawaal mushkil haiN!
bay nigh aankhouN say
dekhtaa hooN purcchay ko
bay khiyaal haathouN say

un-bannay say lafzouN par
uNgliyaaN ghumaataa hooN
Haashiyeh lagaataa hooN
daairay banaataa hooN,

yaa sawaal naamay ko
dekhtaa he jaataa hooN

Ajj tanhai kisi hamdam deeren ki tarha


Na Gharzz Kissi Se, Na Vaasta

Na Gharzz Kissi Se, Na Vaasta,
Mujhay Kaam Apnay hi Kaam Se,
Tere Zikr Se, Teri Fikr Se,
Teri Yaad Se, Tere Naam Se

17 January 2013

Kaisa aashiq hai tere naam pe qurban hai magar

Kaisa aashiq hai tere naam pe qurban hai magar,
teri her baat se anjan hoa phirta hai....

Jaane kab kon kisse maar de kafir keh ke
Shehr sara hi musilman hoa phirta hai !!

Wo dard wo wafa wo muhabbt tmam_shud

Wo dard wo wafa wo muhabbt tmam_shud .
Ly dil me tery qurb ki hasrat tmam_shud..

Ye baad main khuly ga k kis kis ka khoon hua,
Hr ek bayan khatm, adalat tmam_shud..

Tu ab to dushmani k bhi qabil nhi raha,
Uth'ti thi Jo kabhi wo adawat tmam_shud..

Ab rabt ek naya mujhy aawargi se hai,
Pabandi-e-khyal ki aadat tmam_shud..

Jaaiz thi ya nhi thi tery haq me thi mgar,
Karta tha jo kabhi wo wakalat tmam_shud..

Wo roz roz marny ka qissa hua tmam,
Wo roz dil ko cheerti wehshat tmam_shud..

Mohsin main Kunj-e-zeest me chup chaap hun para,
Majnu si wo khaslat-o-halat tamam_shud..!

16 January 2013

Tu hawa kay hath pe chahatoun ka dia jalanay ki zid na kar

Tu hawa kay hath pe chahatoun ka dia jalanay ki zid na kar
Yeh udaas logun ka sheher ha yahan muskuranay ki zid na kar,

Main muhabbatoun ka dasa hua, mera gham hai hadd say barha hua
Main shikasta ghar ki misal hun meray pas anay ki zid na kar,

Main teri ghazal to nahi hun jo, har ik kay lab per saji rahun
Main tow aik misra-e-dard hun, mujhay gungunanay ki zid na kar,

Abhi laot aa abhi waqt ha abhi jan baki ha jism main
Tujhay ilm hai meri jan hai tu, mujhay aazmany ki zid na kar.

Mujhse mat puch ke kiyu Aankh jhuka li maine

Mujhse mat puch ke kiyu Aankh jhuka li maine
Teri tasveer thi tujh se hi chupa li maine,

Jis pe likha tha ki TU mere muqaddar mein nahi
Apne mathey ki wo Tehreer hi mita li maine,

Ghere rehti hai mujhko ek Anokhi 'Khu$hboo'
'Teri Yaadon' se har ek saans Saja li maine,

Jiske shero'n ko woh sunn ke bohot Roya tha
Bas wo ek Gazal sab se chupa li maine.

Meri Akal-o-Hosh Ki Sab Haalatain

Meri Akal-o-Hosh Ki Sab Haalatain..
Tum Nay Saanchay Mein Janoon K Dhaal Dee'n..

Kar Liya Tha Mein Nay Ahad-e-Tark-e-Ishq..
Tum Nay Phir Banhein Galay Mein Daal Dee'n..

Sansoon Me B Shamil Ho, Laho Me B Rawaan Ho

Sansoon Me B Shamil Ho, Laho Me B Rawaan Ho,

Lekin Merey Hathoon Ki Lakeeroon Me Kahaan Ho

15 January 2013

Is se pehle ke zamane ko khabar ho jaye

Is se pehle ke zamane ko khabar ho jaye
Khuda kare ke shab-e-gham ki sahar ho jaye

Khula rahe ga ye darwaza tere aane tak
Laot kar aana kahiN shaam agar ho jaye

Abas hai aarzoo karna bhi raoshni ki
yahaN Diya jale to hawaaoN ki nazar ho jaye

Jab bhi aati hai teri yaad liye aati hai
Raat tanha kabhi aaye to basar ho jaye

Tu kabhi chashm-e-tasawwur se unhaiN
dekh zara ManziloN pe jinhaiN dar'paish safar ho jaye

Kaanch ki choorhi jesi larhki

Kitni saada
Kitni pyari

Kaanch ki choorhi jesi larhki
College k kamry mein bethi

Janay kya kuch soch rahi thi
Main bhe Oss k pas hee betha

Oss ko ghoor se dekh raha thaa
Kiya Qissa hai?
Main ne pocha?

Oss ki ankhein bheeg gaein
Dheemi si awaaz mein boli

Dekho?.. ?


“Chorhi toot gai”…

Shehr-e-Muhabbat hijr ka mousam,ehed-e-wafa or mein

Shehr-e-Muhabbat hijr ka mousam,ehed-e-wafa or mein
Tu to is basti se khush khush chala gaya , or mein …??

Tu jo na ho to jaise sab ko chup lag jati hai
Apas mein kya batein kertey raat, diya or mein

Sair-e-chhaman adat thi pehley ab majboori hai
Teri talash mein chal pertey hein bad-e-saba or mein

Jisko dekho teri hava mein pagal phirta hai
Werna hum mashrab to nahi they khalq-e-khuda or mein

Aik to wo humraaz mera hai phir tera maddah
Bas tera hi ziker kia kertey hein Zia or mein

Aik zamaney bad ‘Faraz’ ye shair kahey meine
Ik muddat se miley nahi hein yaar mera or mein

Qareebtar hai jo fikr-o-khayal main mere

Qareebtar hai jo fikr-o-khayal main mere,

wohi hai door,bht door ! ! ! aasman ki trah......!!  

Pata Hai Muntazir Rehna Bohat Takleef Deta Hai

Pata Hai Muntazir Rehna Bohat Takleef Deta Hai ,

Bata Kar Hi Chalay Jaatay Agar Jaana Zaroori Tha  

14 January 2013

Suna Tha Hum Ne Logon Se

Suna Tha Hum Ne Logon Se

Mohabbat Cheez Aesi Hai

Chhupaye Chhup Nahi Sakti

Yeh Aankhon Mein Chamakti Hai

Yeh Chehron Pe Damakti Hai

Yeh Lehjon Mein Jhalakti Hai

Dilon Tak Ko Rulati Hai

Magar Yeh Sab Agar Sach Hai

Toa Phir Hum Ko Apnay Rab Se

Bhala Kaisi Mohabbat Hai

Na Aankhon Se Jhalakti Hai

Na Chehron Per Damakti Hai

Na Lehjon Mein Sulagti Hai

Na Raaton Ko Rulati Hai

Yeh Phir Kaisi Mohabbat Hai

Humein Rab Se Bhala Kaisi Mohabbat Hai

13 January 2013

Maana teri nazar me, tera pyaar hum nahi

Maana teri nazar me, tera pyaar hum nahi,
Kaise kahein ke, tere talabgaar hum nahi,

Khud ko jala ke, khaak kar daala, mita daala,
Lo ab tumhari raah mein, diwaar hum nahi,

Jisko sanwaara humne, tamannao ke khoon se,
Gulshan mein us bahaar ke, haqdaar hum nahi,

Dhokha diya hai khud ko, mohabbat ke naam se,
Kaise kahein ke, tere gunahgaar hum nahi.

12 January 2013

Mene haq-e-mohabbat adaa kiya

Mene haq-e-mohabbat adaa kiya
na kabhi kisi se gila kiya....

Mujhe ajab iska sila mila
mujhe dilse usne bhula diya....

Mohabbaton ki kitaab ka
kar aik warq osne jala diya....

Wo jo aarzoo ka charagh thaa
usay nafraton ne bujha diya....

Mujhe zakhm phir ek naya diya
mujhe is MOHABBAT ne kya diya....

Wo jo kehte thy tum khush raho
woh jo kehte thy meri jaan ho tum....

Woh jo kehte thy tum hansa karo
mujhe ajj ossi ne RULA diya....

Kabhi mom bn k pighal gya

Kabhi mom bn k pighal gya
kabhi girty girty sambhal gya

Usy rokti b to kis trha
k wo shakhs itna ajeeb tha

kabi tarap utha meri aah se
kabhi ask se na pighal saka

sar-e-Rah mila wo ager kabhi
to nazar chura k guzar gya

wo utar gya meri ankh se
mere dil se kyun na utar ska

wo chala gya jahan chor k
main wha se phir na palat ski

wo to smbl gya muje chor k
me bikhar k phir na simat saki

Ye qasoor mera he k yaqeen kia he

Ye qasoor mera he k yaqeen kia he
dill teri hi khater rakh chor diya he

Ye qasoor mera he k yaqeen kia he
dill teri hi khater rakh chor diya he

tu hi sub se qareeb he mere
tu hi mera naseeb he ab ye mesoos kia he

Ye qasoor mera he k yaqeen kia he
dill teri hi khater rakh chor diya he

Ik tu hi he dolat meri hasel to mera
kitni he mohabat tuj se behisaab wafa

hasraton se barh kr apni
chaha tuje hmesha

Ye qasoor mera he k yaqeen kia he
dill teri hi khater rakh chor diya he

tu hi sub se qareeb he mere
tu hi mera naseeb he ab ye mesoos kia he

koi dard rha na dill me
na koi khala

har khuahish pori hoi he
tujhe paa jo liya

dor muj se ho na kbhi na
karna ye ik ehsaan

Ye qasoor mera he k yaqeen kia he
dill teri hi khater rakh chor diya he

tu hi sub se qareeb he mere
tu hi mera naseeb he ab ye mesoos kia he

08 January 2013

Jo bhi deewar hai raste main giraa ke ro lain

Jo bhi deewar hai raste main giraa ke ro lain,
Aao ik doojay ko seene se laga ke ro lain,
Saamne tu hai to hum dil mein bhi ro sakte hain,
Yu’n karain hum tujhe baaton mein laga kar ro lain,
Tere aaney se yeh naraaz raha karte hain,
Jee mein hai aaj har ik gham ko manaa kar ro lain,

Azaab Yeh Bhi Kisi Aur Par Nahi Aaya

Azaab Yeh Bhi Kisi Aur Par Nahi Aaya,
Ke Ek Umar Chale Aur Ghar Nahi Aaya ... !

Us Ek Khaab Ki Hasrat Mein Jal Bujhi Aankhen,
Wo Ek Khaab Ke Ab Tak Nazer Nahi Aaya ... !!

Karen To Kis Se Karen Naarasaiyon Ka Gila,
Safar Tamaam Huaa Hum-Safar Nahi Aaya ... !!!

Dilon Ki Bat Badan Ki Zabaan Se Kah Dete,
Ye Chaahte The Magar Dil Idhar Nahi Aaya ... !!!!

Ajib Hi Tha Mere Daur-E-Gumrahi Ka Rafiq,
Bichhaar Gaya To Kabhi Laut Kar Nahi Aaya ... !!!!!

Harim-E-Lafz-O-Ma’aani Se Nisbaten Bhi Rahin,
Magar Saliqa-E-Arz-E-Hunar Nahi Aaya ... !!!!!!

Hamare Darmiyan Aisa Koi Rishta Nahin Tha

Hamare Darmiyan Aisa Koi Rishta Nahin Tha
Tere Shanon Pe Koi Chat Nahin Thi

Mere Zimme Koi Angan Nahin Tha
Koi Wada Teri Zanjir-E-Pa Banane Nahin Paya

Kisi Iqrar Ne Meri Kalai Ko Nahin Thama
Hawa-E-Dasht Ki Manind
Tu Azad Tha
Raste Teri Marzi K Tabe The
Mujhe Bhi Apni Tanhai Pe
Dekha Jaye To
Pura Tasarruf Tha

Magar Jab Aj Tu Ne
Rasta Badla
To Kuch Aisa Laga Mujh Ko
K Jaise Tu Ne Mujh Se Bewafai Ki

Harf E Taaza Naii Khushboo Mein Likha Chahta Hai

Harf E Taaza Naii Khushboo Mein Likha Chahta Hai
Baab Ik Aur Mohabbat Ka Khula Chahta Hai

Aik Lamhay Ki Tawajoo Nahi Hasil Uss Ki
Aur Yeh Dil Keh Ussay Hud Say Siwa Chahta Hai

Ik Hijaab Teh E Iqrar Hai Ma'nay Manay Warna
Gul Ko Maloom Hai Kaya Dast E Saba Chahta Hai

Rait He Rait Hai Iss Dil Mein Musafir Mairay
Aur Yeah Sehra Taira Naqash E Qaf E Pa Chahta Hai

Yehe Khamooshi Kai Rung Mein Zahir Ho Gi
Aur Kuch Roz Keh Woh Shokh Khula Chahta Hai

Raat Ko Maan Liya Dil Nay Muqadar Laykin
Raat Kay Haath Pay Aab Koi Diya Chahta Hai

Tairay Paymanay Mein Gardish Nahi Baqi Saqi
Aur Tairi Bezam Say Aab Koi Utha Chahta Hai

Ek Shakhs Ko Deakha Tha

Ek Shakhs Ko Deakha Tha
Taron Ki Tarha Hamney

Ek Shaks Ko Chaaha Tha
Apnon Ki Tarha Hamney

Ek Shaks Ko Samjha Tha
Phoolon Ki Tarhaa Hamney

Wo Shaks Qayamat Tha
Kya Uski Karein Batain

Din Us Ky Liye Paida
Aur Uski He Thi Ratain

Kab Milta Kisi Se Tha
Ham Se Thi Mulaqatain

Rang Uska Shahaabi Tha
Zulfon Mein Thi Mehkarein

Aankhain Thi Ke Jaadu Tha
Palkain Thi K Talwarain

Dushman Bi Agar Dekhein
So Jaan Se Dil Harain

Kuch Tum Se Wo Milta Tha
Baton Mein Shahaabat Thi

Han Tum Sa Hi Lagtaa Tha
Shokhi Mein Sharaarat Main

Lagta Bhi Tumhe Sa Tha
Dastur-E-Mohabbat Main

Wo Shaks Hamain Aik Din

Apnon Ki Tarhaa Bhoolla
Taron Ki Tarha Doobba
Phoolon Ki Tarha Tootta

Phir Haath Na Aaya Woh
Hamney Bohat Dhoondha

Tum Kis Liye Chonkey Hom
Kab Zikar Tumhar Hai
Kab Tum Se Takaaza Hai
Kab Tum Se Shikaayat Hai

Ikk Taaza Hikayat Hai
Sun Lo Tou Inayat Hai

Ek Shaks Ko Chaaha Tha
Apnon Ki Tarha Hamney.

Ek Taza Hikayat Hai
Sun Lo To Inayat Hai

Tumhin The Badle Hue Ya Meri Nigahen Thin

Tumhin The Badle Hue Ya Meri Nigahen Thin
Tumhari Nazron Se Lagta Tha Jaise Meri Bajaye
Tumhare Ghar Main Koi Aur Shakhs Aya Hai
Tumhare Ohad Ki Denen Tumhen Mubarak

So Tum Ne Mera Swagat Usi Tarah Se Kiya
Jo Afsaran-E-Hukumat K Aitaqad Main Hai
Takallufan Mere Nazdik A K Baith Gaye
Phir Ehtamam Se Mausam Ka Zikr Cher Diya

Kuch Us K Bad Siyasat Ki Bat Bhi Nikli
Adab Par Bhi Koi Do Char Tabsare Faramaye
Magar Na Tum Ne Hamesha Ki Tarah Ye Pucha
Kya Waqt Kaisa Guzarta Hai Tera Jan-E-Hayat

Pahar Din Ki Aziyat Main Kitni Shiddat Hai
Ujar Rat Ki Tanhai Kya Qayamat Hai
Shabon Ki Sust Rawi Ka Tujhe Bhi Shikwa Hai
Gam-E-Firaq K Qisse Nishat-E-Wasl Ka Zikr
Rawayatan Hi Sahi Koi Bat To Karte

Theher Jaye, Magar Raat Katay

Theher Jaye, Magar Raat Katay
Koi Soorat Ho Ke Barsaat Katay

Khushbuuain Mujhko Qalam Karti Gayin
Shaakh Dar Shaakh Mere Haath Katay

Mouj-e-Gul Hai Ke Talwaar Koi
Darmiaan Se Hee Manajaat Katay

Harf Kiun Apne Ganwayein Jaa Kar
Baat Se Phele Jahan Baat Katay

Chaand ! Aa Mil Ke Manayein Ye Shab
Aaj Ki Raat Tere Saath Katay

Pooray Insaanon Mein Ghus Aayein Hain
Sar Katay, Jism Katay, Zaat Katay

Chehra Mera Tha Nigahen Us Ki

Chehra Mera Tha Nigahen Us Ki
Khamushi Main Bhi Wo Baten Us Ki

Mere Chehre Pe Gazal Likhti Gain
Sher Kahti Hui Ankhen Us Ki

Shokh Lamhon Ka Pata Dene Lagin
Tez Hoti Hui Sansen Us Ki

Aise Mausam Bhi Guzare Ham Ne
Subhen Jab Apni Thin Shamain Us Ki

Dhyan Main Us K Ye Alam Tha Kabhi
Ankh Mahtab Ki Yaden Us Ki

Faisala Mauj-E-Hawa Ne Likkha
Andhiyan Meri Baharen Us Ki

Nind Is Soch Se Tuti Aksar
Kis Tarah Katati Hain Raten Us Ki

Dur Rah Kar Bhi Sada Rahti Hai
Mujh Ko Thame Hue Bahen Us Ki

Itnay Achay Mosam Mein

Itnay Achay Mosam Mein.

Roothna Nahi Acha.

Haar,Jeet Ki Baatein.

Kal Pe Hum Uthaa Rakhain.

Aur!Aaj Dosti Kar Lain..!!

Tujhe Mujh Se, Mujh Ko Tujh Se, Jo Bohot Hi Pyaar Hota

Tujhe Mujh Se, Mujh Ko Tujh Se, Jo Bohot Hi Pyaar Hota
Na Tujhe Qaraar Hota, Na Mujhe Qaraar Hota

Tera Har Marz Ulajhta, Meri Jaan-E-Na’tawan Se
Jo Tujhe Zukaam Hota To Mujhe Bukhaar Hota

Jo Mai Tujh Ko Yaad Karta, Tujhe Cheenkna Bhi Parta
Mere Sath Bhi Yaqeenan Yahi Baar Baar Hota

Kisi Chawk Mai Lagate Koi Chooriyun Ka Khokhaa
Tere Shehr Mai Bhi Apna, Koi Kaarobaar Hota

Gham-O-Ranj Aashiqaana, Nahi Calculatoraana
Usse Mai Shumaar Karta, Jo Na Be-Shumaar Hota

Wahan Zair-E-Behs Aate, Khad-O-Khal-O-Khuye Khoobaan

Mard Honi Chahiye, Khatoon Hona Chahiye

Mard Honi Chahiye, Khatoon Hona Chahiye
Ab Grammer Ka Yehi Kanoon Hona Chahiye

Nursery Ka Daakhla Bhi Ab Sar’sari Mat Janiye
Aap Ke Bache Ko Aflaatoon Hona Chahiye

Raat Ko Bache Parhayi Ki Aziyat Se Bache
In Ko TV Ka Bohat Mamnoon Hona Chahiye

Doston English Zaroori Hai Hamare Wastey
Fail Honey Ko Bhi Koi Mazmoon Hona Chahiye

Sirf Mehnat Kya Hai Anwar Kamyaabi Ke Liye
Koi Ooper Se Bhi Telephone Hona Chahiye

Rat Ai Hai Balaon Se Rihai Degi

Rat Ai Hai Balaon Se Rihai Degi
Ab Na Divar Na Zanjir Dikhai Degi

Vaqt Guzra Hai Par Mausam Nahin Badala Yaro
Aisi Gardish Hai Zamin Khud Bhi Duhai Degi

Ye Dhundalaka Sa Jo Hai Us Ko Ganimat Jano
Dekhna Phir Koi Surat Na Sujhai Degi

Dil Jo Tutega To Ik Tarfa Tamasha Hoga
Kitne Ainon Main Ye Shaql Dikhai Degi

Sath Ke Ghar Main Bara Shor Barpa Hai ‘Anwar’
Koi Ayega To Dastak Na Sunai Degi

Ye Fakhar To Hasil Hy K Bury Hain K Bhaly Hain

Ye Fakhar To Hasil Hy K Bury Hain K Bhaly Hain
Do Char Qadam Ham Bhi Tere Sath Chaly Hain

Jalna To Chiraghoon Ka Muqad'dar Hy Azal Sey
Ye Dill K Kanwal Hain K Bujhy Hain Na Jaly Hain

They Kitny Sitary K Sar E Shaam Hi Dobey
Hangam E Seher Kitny Hikhurdheed Dhaly Hain

Jo Jheyl Gay Hans K Kari Dhoop K Tewar
Taroon Ki Khunk Chaaon Main Wo Log Jaly Hain

Aik Shama Bujhai To Kai Or Jala Liin
Ham Gardidsh E Doran Sey Bari Chaal Chalay Hain

07 January 2013

Ye Nahi Gam Ke Qasam Apni Bhulai Tum Ne

Ye Nahi Gam Ke Qasam Apni
Bhulai Tum Ne,
Gam Te Ye Hai Ke Raqeebon Se Nibhai Tum Ne,

:
:

Koi Ranjish Thi Ager Tum Ko To Mujh Se Kehte,
Baat Apas Ki Kiun Sab Ko Batai Tum Ne

Us ki zulfen thein, lab_o_ruksar thy or hath mery

Us ki zulfen thein, lab_o_ruksar thy or hath mery,

kat gaye raat k lamhy youn shararat karty

05 January 2013

Kitaab_E_IshQ Likhnay Ki Mujhe Fursat Nahi

Kitaab_E_IshQ Likhnay Ki Mujhe Fursat Nahi,

Abhi Tak Bewafaai Par Meri Tehreer Jaari Hai...  

Aajab Khouf Hai, Ander Ki Khamoshi Ka Mujhay

Aajab Khouf Hai, Ander Ki Khamoshi Ka Mujhay,

Ke Raastoon Say Guzarta Hoon, Gungunatey Huway  

Jo Un Se Main Ne Kaha Zindagi Bana Lo Mujhe

Jo Un Se Main Ne Kaha Zindagi Bana Lo Mujhe

To Us Ne Dheere Se Ik Lafz Keh Diya Pagal  

Mohabbat farzz hoti ja rahi hai

Mohabbat farzz hoti ja rahi hai,
Kisi ka qarzz hoti ja rahi hai,

Badan ko chaatt le gi ab yaqeenan,
Judaai marzz hoti ja rahi hai..  

01 January 2013

Ham K Minatt'kush-e-Sayyad Nhi Honey Ke

Ham K Minatt'kush-e-Sayyad Nhi Honey Ke
Woh Jo Chaahey Bhi Tou Aazaad Nhi Honey Ke..

Dekh Aa Ker Kabhi Unn Ko, Jo tere Haatho'n!!
Aesay Ujrrey Hein Ke AAbaad Nahi Honey Ke..

Wasf'e Mey Orr Sifat'e Yaar K MazmoOn Ke Siwaa
Naaseh!! terey Sukhan Yaad Nhi Honey Ke..

Yaar'e Bd'Aehad Ka Kitna Barra Aehsaan Hy Ke Hum
Ab Kisi K Liye Bhi BrBaad Nahi Honey Ke..

Uss Jafa Khuu Ko DUAA Do K Gar Woh Na Raha!!
Phir Kisi Se Sitam EeJaad Nahi Honey Ke..

Aaj Phir Jashan Manaya Gaya Aazadi Ka
Kal GharOn Pr Kai AfraaD Nhi Honey Ke..

Itney AaaraM TaLab Ho Tou MohaBBat Mein FARAZ!!
MEER' Ban JaaO Ge, FARHAAD Nahi Honey Ke..
Related Posts Plugin for WordPress, Blogger...