Jugnoo, Gohar, Charaagh, Ujaley Tou De Gaya

Jugnoo, Gohar, Charaagh, Ujaley Tou De Gaya
Woh Khud Ko Dhoondne K Hawaley Tou De Gaya

Ab Is Se Barh Kar Kia Ho, Virasat Faqeer Ki
Bachon Ko Apni Bheek K Piyaley Tou De Gaya

Ab Meri Soch Saey Ki Soorat Hai , Us K Gird
Men Bujh K Apne Chaand Ko Haaley Tou De Gaya

Shayad K Fasl-e-Sung-e-Zani Kuch Qareeb Hai
Woh Khailney Ko Barf K Haaley Tou De Gaya

Ehl-e-Talab Pe Us K Liye Farz Hai Duaa
Khairaat Men Woh Chund Niwaley Tou De Gaya

Mohsin Usay Quba Ki Zaroorat Na Thi Magar
Dunya Ko Roz-o-Shab K Do-Shaaley Tou De Gaya…