20 July 2012

Apne Seene se laga kar Nishani us ki

Apne Seene se laga kar Nishani us ki
Dil ko har Roz sunati hoon kahani uski

Aaj kyoun us ko Manane ki ziden sochta hai?
Dil ne kal tak koii Baat na mani uski

Phir se mil kar na bicharhne ki Qasam khaye ga
Soch lena k ye Aadat hai purani us ki

Jb bhi dhoondha hai use Surat darya dhoonda
Aagaii apni tabyat main Rawani us ki

Baraf pighli hai buhat ab k Paharhoon se udhar
yad Aaii hai buhat Shola biyani us ki

meri har subha usi Fikar main guzri azra
kaise guzre gi bhala Sham sohani us ki

0 comments:

Post a Comment

Related Posts Plugin for WordPress, Blogger...