20 July 2012

dard barhta hai keh aanchal mein chupa lay mujhko

dard barhta hai keh aanchal mein chupa lay mujhko
dil ki har aik kadi tor na dale mujh ko

itni fursat hai kahan gham keh utha lon apne
jism be jan ki tarah moj uchalay mujh ko

zindagi tere marahil se to dar lagta hai
phir koi dard ke sanche mein na dhalay mujh ko

dho ke phir chaadar tatheer pila de janam
zahar furqat ka kahin mar na dale mujh ko

moj kuch aisi uthi toot giya hon pal pal
main to bikhra hon koi phir se bana le mujhko

raat ke pichle pahar dard ka mazraab liye
geet furqat ka agar hai to sunale mujh ko

so giya thak ke ghazali jo ghani chayon mili
orh li main ne zameen aake jga le mujh ko

0 comments:

Post a Comment

Related Posts Plugin for WordPress, Blogger...