Ta’alluq Rakh Liya Baqi, Tayyqan Torr Aaya Hoon

Ta’alluq Rakh Liya Baqi, Tayyqan Torr Aaya Hoon

Kisi Ka Sath Dena Tha , Kisi Ko Chorr Aaya Hoon

Tumhare Sath Jeenay Ki Qasam Khane Se Kuch Pehle

Men Kuch Wadey, Kai Qasmein, Kaheen Par Torr Aaya Hoon

Mohabbat Kaanch Ka Zindaan Thi Yun Sang-e-Giraan Kab Thi

Jahan Sar Phorr Sakta Tha, Waheen Sar Phorr Aaya Hoon

Palat Kar Agaya Lekin , Yun Lagta Hai K Apna Aap

Jahan Tum Mujhse Bichre Thay, Waheen Rakh Chorr Aaya Hoon

Usay Jane Ki Jaldi Thi , So Men Aankhon He Aankhon Men

Jahan Tak Chorr Sakta Tha, Wahan Tak Chorr Aaya Hoon

Kahan Tak Men Liye Phirta , Mohabbat Ka Yeh Iktaara

So Ab Jo Saans Tooti, Geet Aadha Chorr Aaya Hoon

Kahan Tak Rum Kia Jaey Ghazal-e-Dasht Ki Soorat

So Ahmed  Dasht-e-Wehshat Se Yaka-Yak Dorr Aaya Hoon…