wohi sochi huwi chaalein , wohi be sakhta pan
wohi iqrar mein inkar k lakhoon pehlu
wohi honton pe tabassum wohi abruu pe shikan
kis ko dekha hai k pindar e nazar k ba wasaf
ik lamhe k liye ruk gayee dil ki dharkan
kon si fasal mein is baar millay hain tujh se
k na parwa e giraibaan hai na fikr e daman
ab to chubhti hai hawa baraf k maidaanon ki
un dinon jism k ehsas se jalta tha badan
aisi sooni to kabhi sham e ghareeban bhi na thi
dil bujhe jate hain aye subha e tairgy e watan
Comments
Post a Comment