Naseehat roz bikti hy, Aqeedat roz bikti hy

 Naseehat roz bikti hy, Aqeedat roz bikti hy
Tumharay shehar mein logo muhabat roz bikti hy

Amir-e-Shahir ka abi mohtaj hy mazhab
Abhi mulla k fatwoon mein shariat roz bikti hy

Hmaray khoon ko bhi wo kisi din baich dalay ga
Kharidaroon k jhurmat mein adaalat roz bikti hy

Na-jany lutf kiya milta hy un ko roz biknay mein
Tawaif ki trah logo qyaadat roz bikti hy

Kbhi masjid k mimber pr, kbhi hujray ma chhup chhup k
Meray waaiz k lehjay mein qayamat roz bikti hy

Bari lachaar hein Jan jabinain in ghariboon ki
K majbori ki manddi mein ibadat roz bikti hy