Mere sanam muskura na dena,
Yeh akhri khat mein likh raha hoon,
Khayal karna jala na dena,
Guzar rahi hai tmhari kese,
Bichar ke humse rula ke hum ko,
Haqiqaton ko zarur likhna,
Anaa ki khatar chupa na dena,
Koi jo puchay kidhar gaya voh,
Jo teri mehfil ka tha sahara,
Jo furqaton ka sabab banay thay,
Kisi bashar ko bata na dena,
Mein mar bhi jaun tou muskurana,
Ehsaas e ghum ki na chot khana,
Jo qurb e ghum se nigahein bheegain,
Tou rukh se aanchal hata na dena,
Lahu se tehreer kraha hun,
Mein apni saari kahani asif,
Jo phaar bhi di tou paas rakhna,
Hawa mein tukray ura na dena!
Comments
Post a Comment