Na Jaane Hum Be-Yaqeen Logon Ko Naam Haider Se Rabt Kyun Hai
Hakeem Jaane Woh Kaisi Hikmat Se Aashna Tha
Shajee' Jaane Kay Badr-o-Khyber Ki Fatah Mandi Ka Raaz Kya Tha
Aleem Jaane Woh Ilm Ke Kaun Se Safeenon Ka Na Khuda Tha
Mujhy To Bas Sirf Yeh Khabar Hai
Woh Mere Maula Ki Khushbuon Mein Racha Basa Tha
Woh In Kay Daman-e-Atifat Mein Pala Barha Tha
Aur Us Kay Din Raat Mere Aaqa Ki Chashm-e-Abroo-o-Jumbish-e-Lab K Muntazir Thay
Woh Raat Ko Dushmanon Ke Narghe Mein So Raha Tha To Un Ki Khatir
Jidal Mein Sar Se Paon Talak Surkh Ho Raha Tha To Un Ki Khatir
So Us Ko Mehboob Janta Hoon
So Us Ko Maqsood Manta Hoon
Sa'adtein Us K Naam Se Hain
Mohabbaton Kay Sabhi Gharanon Ki Nisbatein Us k Naam Se Hain
Comments
Post a Comment