Kaun Rok Sakta Hai

Kaun Rok Sakta Hai
Laakh zabt-e-khowahish ke
Beshumar daawey hon
Unko bhool janey ke
Bepanah iraaday hon
Aur is mohabbat ko tark kar ke jeeny ka
Faisla sunany ko
Kitny lafz sochay hon
Dil ko uski aahat pey
Barmala dharkney sy
Koun rok sakta hai
Phir wafa ke sehra mein khushboun ko choonay ki
Justuju mein rehnay se
Rooh tak pighalnay sy
Nangay paun chalnay se
Koun rok sakta hai
Aansuon ki barish mein chahay Dil ke haathon mein
Hijr ke musafir ke paun tak bhi choo aao
Jis Ko Lot Jana Hai
Usko Door jany Se
Rasta Badlnay sy
Door Jaa Nikalnay Se
Koun Rok Sakta hai...