Mohabat Ki Yehi Taarif hy

" Mohabat Ki Yehi Taarif hy "


* Azal sy hy Mohababt Maavra Lafzo'n ki Maala sy..

Magr ye bhi Haqeeqat hy!

Mohabat Soch k Aakhash par Baadal ki Soorat men,
Sadaa Parwaz karti hy..

Kabhi Barish k Boondo'n men Simat kar Dil ki Dharti par,
Utarti hy...... Bikharti hy..

Adaa ly kar Saba sy ye,
Gulabo'n sy ye Mehk ly kar..
Dhanak sy Rang ly kar
Or
Sitaro'n sy Chamak ly kar,
Hasee'n Aanchal Banati hy..

Isi Aanchal sy phir Khwabo'n k Kachy Ghar Banati hy..
Mohabat Aazmati hy..

Kabhi ye Shair Ban kr Lafz ki Hurmat Barrhati hy..

Kabhi Ye Saaz Ban kar Dheery Dheery GunGunati hy....!