Aainay Par Kabhi Kitaab Mein Hain

Aainay Par Kabhi Kitaab Mein Hain
Uski Aankhain Ajeeb Azaab Mein Hain,

Thakte Phirte Hain Dhoop Mein Bachay
Titliyaan Saaya-e-Gulaab Mein Hain,

Ek Kachay Gharay Ki Jurrat Par
Kitni Tugyaaniyaan Chanaab Mein Hain,

Woh Abhi Tak Hai Ru-Baruu Apnay
Hum Abhi Tak Hisaar-e-Khwaab Mein Hain,

Uski Aadat Hai Roothna "Mohsin"
Loog Be-Waja Iztaraab Mein Hain.