hum ko to gardish-e-halat pe rona aaya

hum ko to gardish-e-halat pe rona aaya
roney waley tujhe kis baat pe rona aaya


kaise jeetey hein yeh kaise jiye jatey hein
ehl-e-dil ki basr aukat pe rona aaya


jee nahin,aap se kya mujh ko shikayat hogi
haan mujhe talkhee-e-ye halat pe rona aaya


husn ne apni jafaoon pe bahaye ansoo
ishq ko apni shikayat pe rona aaya


saif' yeh din to qayamat ki tarhan guzra hai
janey kya baat thee har baat pe rona aaya

Saif uddin saif