mohabbat se riha hona zaroori hogaya hai

mohabbat se riha hona zaroori hogaya hai
mera tujhse juda hona zaroori hogaya hai

wafa ke tajurbe karte hue to umar guzri
zara sa bewafa hona zaroori hogaya hai

meri awaz tanhaayi main marti ja rahi hai
kisi ka humnawa hona zaroori hogaya hai

azaab zulmat-e-shab hai ke ab dil ke labon par
koi harf-e-duaa hona zaroori hogaya hai