Har Taraf Insabaat Hai, Ay Dil

Har Taraf Insabaat Hai, Ay Dil
Aur Tere Ghar Mein Raat Hai, Ay Dil

Ishq In Zaalimon Ki Dunya Mein
Kitni Mazloom Zaat Hai, Ay Dil

Meri Halat Ka Poochna HE Kia
Sab Tere Iltafaat Hai, Ay Dil

Is Tarha Aansoun Ko Zaya Na Kar
Aansoun Mein Hayaat Hai, Ay Dil

Aur Bedaar Chal K Yeh Dunya
Shaatiron Ki Bisaat Hai, Ay Dil

Sirf Us Ne Nahi Diya Mujhe Soz
Is Mein Tera Bhi Haath Hai, Ay Dil

Mundamil Ho Na Jaey Zakhm-e-Daroon
Yeh Meri Kainaat Hai, Ay Dil

Husn Ka Aik Waar Seh Na Saka
Doob Marne Ki Baat Hai Ay Dil.........