Behkay Behkay Huwey Andaaz-e-Bayaan Hotay Hain
Aap Hotay Hain Tou Phir Hosh kahaan Hotay Hain
Hont Paaband Hain Mafhoom Bayaan Hote Hain
Koi Samjhay Tou Yeh Aansu Bhi Zubaan Hotay Hain
Yaad Hai Teri Nigaahon ka Badalna Mujhko
Aisay Andaaz Qayaamat Mein Kahaan Hotay Hain
Kyun Shab-e-Ghum Na Jalaaun Teri Yaadon Kay Chiraagh
Un say Roshan Meri Manzil Kay Nishan Hotay Hain
Ghum Hai Baaqi Tou Kisi Roz Khushi Bhi Hogi
Phool Bhi Khaar Kay Pehlu Mein Jawaan Hotay Hain
Comments
Post a Comment