Kahin dil pe kabu hamara jo hota

Kahin dil pe kabu hamara jo hota

Kabhi zindagi mein tumhara jo hota

Khushi se bhi koi chaman chhodta hai

Koi aik kanta hamara jo hota

Na hota bharosa to kartay duaein

Wo khud de hi deta hamara jo hota

Main ghafil nahi tha teri rahguzar mein

Zara tu ne mujhko pukara jo hota

Gila ham na kartay kabhi zindagi se

Khushi ka agar ek sharara jo hota

Ghazal aisi sarwar kabhi tum na kahtay

Zamanay mein koi tumhara jo hota