BichDre Tu Qurbatu'N Ki DuAa Bhi Na Kar Sakay
Ab Ke Tujhe Supard-e-KhudAa Bhi Na Kar Sakay
Taqseem Ho Ke Reh Gaye So Kirchiyu'N Mai'N Hum
Aur Naam-e-WafAa Ka Qarz Aada Bhi Na Kar Sakay
Nazuk MizAaj Logh Thay Hum, Ho Jese Aaiina
Tootay Kuch Is Tarha'N Ke SadAa Bhi Na Kar Sakay
Khush Bhi Na Rakh Sakay Tujhe Apni ChAah Mai'N
Aur Achii Tarha'N Se Tujh Ko Khafa Bhi Na Kar Sakay
Comments
Post a Comment